بھارت میں بارش سے تباہی‘ 26 افراد ہلاک

نئی دہلی (انٹرنیشنل ڈیسک) بھارت میں تباہ کن مون سون کی بارشوں کے نتیجے میں آنے والے سیلاب ، لینڈ سلائیڈنگ اور کلاؤڈ برسٹ سے ایک ہی دن میں کم از کم 25 افراد ہلاک ہو گئے جبکہ یہ تعداد مزید بڑھنے کا خدشہ ہے۔ خبررساں اداروں کے مطابق اتوار کے روز شروع ہونے والی بارشوں سے سب سے زیادہ اموات مقبوضہ کشمیر ، ناگالینڈ اور اتراکھنڈ میں رپورٹ ہوئیں۔ مقبوضہ کشمیر کے ہمالیائی علاقے میں کم از کم 15 افراد ہلاک اور متعدد لاپتاہو گئے۔ ریسکیو عملہ لینڈ سلائیڈنگ کے ملبے تلے پھنسے لوگوں کی تلاش کر رہا ہے جبکہ حکام نے ہلاکتوں میں اضافے کا خدشہ ظاہر کیا ہے۔ مقامی خبروں کے مطابق راجوری اور پونچھ کے سب سے زیادہ متاثرہ اضلاع میں کلاؤڈ برسٹ، لینڈ سلائیڈنگ اور طوفانی سیلاب نے سڑکوں، گھروں اور کاروبار کو نقصان پہنچایا۔ حکام کا کہنا ہے کہ اموات میں اضافے کا خدشہ ہے۔