صوبائی وزیر تجارت سے وفود کی ملاقات ‘مسائل سے آگاہ کیا

کراچی (اسٹاف رپورٹر) صوبائی وزیر برائے صنعت و تجارت جام اکرام اللہ دھاریجو سے ان کے دفتر میں مختلف وفود نے ملاقات کی اور انہیں اپنے مسائل و مشکلات سے آگاہ کیا۔ صوبائی وزیر نے وفود کی جانب سے پیش کیے گئے مسائل کو توجہ سے سنا اور فوری نوعیت کے مسائل کے حل کے لیے موقع پر ہی متعلقہ افسران کو ضروری ہدایات جاری کیں۔ اس موقع پر گفتگو کرتے ہوئے صوبائی وزیر جام اکرام اللہ دھاریجو نے کہا کہ حکومت سندھ عوامی خدمت کو اپنی اولین ترجیح سمجھتی ہے اور عوام کو درپیش مسائل کے فوری حل کے لیے ہر ممکن اقدامات کیے جا رہے ہیں۔ حکومت سندھ عوام کو ریلیف کی فراہمی، صوبے کی ترقی اور عوامی مسائل کے حل کے لیے عملی اقدامات کررہی ہے۔انہوں نے کہا کہ عوامی مسائل کے حل میں کسی قسم کی تاخیر یا غفلت برداشت نہیں کی جائے گی اور متعلقہ اداروں کو ہدایت کی گئی ہے کہ عوامی شکایات کے ازالے کیلیے مؤثر اور فوری اقدامات یقینی بنائے جائیں۔ انہوں نے مزید کہا کہ سندھ میں صنعتی و تجارتی سرگرمیوں کے فروغ، سرمایہ کاری کے لیے سازگار ماحول کی فراہمی اور روزگار کے نئے مواقع پیدا کرنے کے لیے حکومت سندھ بھرپور اقدامات کر رہی ہے۔