محسن نقوی کا موجودہ نظام اور حکومت کی مدت سے متعلق بڑا بیان سامنے آ گیا

اسلام آباد: محسن نقوی کا بیان زایک بار پھر سیاسی حلقوں کی توجہ کا مرکز بن گیا ہے۔ وفاقی وزیر داخلہ نے واضح کیا ہے کہ وزیراعظم شہباز شریف کی قیادت میں موجودہ حکومت اپنی پانچ سالہ آئینی مدت مکمل کرے گی اور حکومت کے مستقبل سے متعلق قیاس آرائیوں میں کوئی حقیقت نہیں۔

نجی ٹی وی چینل کو دیے گئے انٹرویو میں محسن نقوی نے کہا کہ وزیراعظم شہباز شریف ہی اپنی آئینی مدت پوری کریں گے اور حکومت مقررہ مدت تک کام جاری رکھے گی۔ انہوں نے کہا کہ موجودہ نظام مستحکم ہے اور عوامی فلاح کے منصوبوں پر مسلسل پیش رفت ہو رہی ہے۔

محسن نقوی کا بیان دیتے ہوئے انہوں نے وزیراعظم کو مشورہ دیا کہ تمام وفاقی وزارتوں کی کارکردگی جانچنے کے لیے تھرڈ پارٹی آڈٹ کرایا جائے تاکہ عوام کے سامنے واضح ہو سکے کہ کون سی وزارت بہتر کارکردگی دکھا رہی ہے اور کہاں مزید بہتری کی ضرورت ہے۔

وزیر داخلہ نے بتایا کہ کابینہ کے اجلاسوں میں ان کی حاضری تقریباً 70 فیصد رہی ہے۔ ان کا کہنا تھا کہ گزشتہ سال نظام میں موجود خامیوں کی نشاندہی کرنا حکومت پر تنقید نہیں بلکہ اصلاحات کی ضرورت اجاگر کرنا تھا۔

انہوں نے کہا کہ وزیراعظم شہباز شریف روزانہ 14 سے 16 گھنٹے تک کام کرتے ہیں اور اگر انہیں مزید مؤثر نظام اور مکمل تعاون حاصل ہو تو حکومتی نتائج مزید بہتر ہو سکتے ہیں۔

محسن نقوی نے یہ بھی کہا کہ موجودہ حکومت کے دوران ایف بی آر کی آمدن میں نمایاں اضافہ ہوا، سفارتی سطح پر اہم کامیابیاں حاصل کی گئیں اور مختلف شعبوں میں اصلاحاتی اقدامات کیے گئے۔

وزیر داخلہ نے دعویٰ کیا کہ کچھ عناصر ان کے اور وزیراعظم شہباز شریف کے درمیان اختلافات پیدا کرنا چاہتے ہیں، تاہم ایسی تمام کوششیں ناکام ہوں گی کیونکہ دونوں کے درمیان مکمل اعتماد اور بہترین ورکنگ ریلیشن شپ موجود ہے۔

انہوں نے اس عزم کا اظہار کیا کہ حکومت عوامی خدمت، معاشی استحکام اور انتظامی اصلاحات کے ایجنڈے پر عملدرآمد جاری رکھے گی۔