رانا ثنابتائیں آپ یا وزیراعظم کتنے با اختیار ہیں؟ جاوید لطیف
لاہور : پاکستان مسلم لیگ ن کے سینئر رہنما میاں جاوید لطیف نے ملک میں نئے صوبوں کے قیام کی بحث اور اپنی ہی پارٹی کے اندرونی ڈھانچے پر شدید تنقید کرتے ہوئے کئی سوالات اٹھا دیے۔
اطلاعات کے مطابق مسلم لیگ ن کے ایک مشاورتی اجلاس میں میاں جاوید لطیف نے ملک میں نئے صوبوں کی بحث پر تبصرہ کرتے ہوئے دوٹوک الفاظ میں کہا کہ اس طرح کے حساس اور اہم انتظامی امور کو ہوا میں نہیں لایا جا سکتا۔
یہ نہیں ہو سکتا کہ ایک رات خواب دیکھیں اور پھر نئے صوبے بنا دیں، ان لوگوں سے بحث کروائی جا رہی ہے جن کا زمینی حقائق سے کوئی دور دور تک کا تعلق نہیں ہے۔
انہوں نے وزیراعظم کے مشیر رانا ثناءاللہ کو مخاطب کرتے ہوئے کہا کہ وہ کھل کر بتائیں کہ حکومت یا خود وزیراعظم کے پاس کتنے اختیارات ہیں ؟
کیونکہ اس حقیقت سے وہ خود بھی اچھی طرح واقف ہیں اور باقی سب بھی جانتے ہیں، کارکنوں اور رہنماو ¿ں کو ہمیشہ مصلحت کا شکار رکھا جاتا ہے۔
جب جماعت مشکل میں ہوتی ہے تو کہا جاتا ہے کہ جماعت اس وقت مشکل میں ہے لہذا خاموش رہو اور جب جماعت اقتدار میں ہوتی ہے تو کہا جاتا ہے کہ ابھی چپ رہو، وہ ناراض ہو جائیں گے، پھر پارٹی کے اندر اصل بات کرنے کا موقع کب آنا چاہیے اور کب کی جانی چاہیے؟۔
