کراچی میں تجاوزات کے خلاف آپریشن، ہوٹل مالکان کے حملے میں ایس ایچ او زخمی

کراچی: سمن آباد میں تجاوزات کے خلاف آپریشن کے دوران ہوٹل مالکان اور ان کے کارندوں کے مبینہ حملے میں ایس ایچ او تھانہ حیدری مارکیٹ اور ایک پولیس اہلکار زخمی ہوگئے۔

پولیس کے مطابق پولیس اور ضلعی انتظامیہ کی جانب سے سمن آباد میں تجاوزات کے خلاف کارروائی کی جا رہی تھی کہ اس دوران ہوٹل مالکان اور ان کے کارندوں نے اہلکاروں پر حملہ کردیا۔

واقعے میں ٹاؤن میونسپل انتظامیہ کے بعض اہلکار بھی زخمی ہوئے۔ پولیس نے کارروائی کرتے ہوئے حملے میں ملوث 3 ملزمان کو گرفتار کرلیا جبکہ واقعے کی مزید تحقیقات جاری ہیں۔