کراچی: کم عمر بچی سے اجتماعی زیادتی، 2 ملزمان کو دو، دو بار عمر قید

کراچی: ایڈیشنل سیشن عدالت جنوبی نے کم عمر گداگر بچی کو راشن کا جھانسا دے کر اغوا اور اجتماعی زیادتی کے کیس میں 2 ملزمان کو دو، دو بار عمر قید کی سزا سنا دی۔

عدالت نے جرم ثابت ہونے پر ملزمان غلام رسول اور خالد کو عمر قید کے ساتھ متاثرہ بچی کو 5، 5 لاکھ روپے معاوضہ ادا کرنے کا حکم بھی دیا۔

پراسیکیوشن کے مطابق 2022 میں ملزمان نے بچی کو اغوا کرکے سی ویو کے قریب زیادتی کا نشانہ بنایا تھا۔ عدالت نے قرار دیا کہ متاثرہ بچی نے شناخت پریڈ میں ملزمان کو شناخت کیا جبکہ طبی شواہد بھی اس کے بیان کی تائید کرتے ہیں۔