آئی سی سی نے مشہور کرکٹر پر 8 سال کی پابندی عائد کر دی
دبئی: آئی سی سی 8 سال کی پابندی کے فیصلے کے تحت انٹرنیشنل کرکٹ کونسل (ICC) نے امریکی کرکٹر بودوگم اخیلیش ریڈی کو اینٹی کرپشن کوڈ کی متعدد خلاف ورزیوں کا مرتکب قرار دیتے ہوئے آٹھ سال کے لیے تمام کرکٹ سرگرمیوں سے معطل کر دیا ہے۔
آئی سی سی کی جانب سے جاری بیان کے مطابق کرکٹر اینٹی کرپشن کوڈ کی تین مختلف شقوں کی خلاف ورزی کے ذمہ دار پائے گئے۔ ان خلاف ورزیوں کے بعد اینٹی کرپشن ٹربیونل نے ان کے خلاف سخت تادیبی کارروائی کرتے ہوئے آٹھ سالہ پابندی عائد کی۔
بیان میں کہا گیا ہے کہ یہ معاملہ ابوظبی ٹی ٹین لیگ 2025 کے دوران پیش آنے والے واقعات سے متعلق ہے، جہاں بودوگم اخیلیش ریڈی پر اینٹی کرپشن ضابطہ اخلاق کی خلاف ورزی ثابت ہوئی۔
آئی سی سی کے مطابق یہ پابندی 21 نومبر 2025 سے مؤثر تصور کی جائے گی۔ پابندی کے دوران بودوگم اخیلیش ریڈی آئی سی سی یا اس کے کسی بھی رکن کرکٹ بورڈ کے زیر اہتمام منعقد ہونے والے میچز، ٹورنامنٹس یا دیگر سرکاری کرکٹ سرگرمیوں میں حصہ نہیں لے سکیں گے۔
کرکٹ کے ماہرین کے مطابق اینٹی کرپشن قوانین پر سختی سے عمل درآمد کھیل کی شفافیت اور ساکھ برقرار رکھنے کے لیے انتہائی اہم ہے، اسی لیے آئی سی سی ایسے معاملات میں زیرو ٹالرنس پالیسی پر عمل پیرا ہے۔
