آزاد کشمیر: تیسرے مرحلے کے انتخابی شیڈول میں تبدیلی، پونچھ اور سدھنوتی کے انتخابات ملتوی

مظفرآباد: آزاد کشمیر میں تیسرے مرحلے کے انتخابات کے شیڈول میں تبدیلی کردی گئی ہے، الیکشن کمیشن نے ضلع پونچھ اور سدھنوتی میں انتخابات ملتوی کرنے کا اعلان کردیا۔

الیکشن کمیشن آزاد کشمیر کے مطابق پہلے شیڈول کے تحت پونچھ ڈویژن کے چار اضلاع کی 11 نشستوں پر انتخابات ہونا تھے، تاہم اب تیسرے مرحلے میں صرف باغ اور ضلع حویلی میں انتخابات ہوں گے۔

الیکشن کمیشن کا کہنا ہے کہ پونچھ ڈویژن کے دو اضلاع میں انتخابات مقررہ مرحلے میں ہوں گے جبکہ دو اضلاع کے انتخابات ملتوی کردیے گئے ہیں۔ نئے انتخابی شیڈول سے متعلق تفصیلات بعد میں جاری کی جائیں گی۔

واضح رہے کہ آزاد کشمیر میں پہلے مرحلے کے انتخابات 27 جولائی جبکہ دوسرے مرحلے کے انتخابات 2 اگست کو منعقد ہوئے تھے۔