ورلڈکپ فائنل میں شکست کے بعد لائنل میسی کا پہلا ردِعمل، مداحوں کے نام جذباتی پیغام

فیفا ورلڈکپ کے فائنل میں شکست کے بعد ارجنٹینا کے کپتان لائنل میسی نے پہلی بار سماجی رابطے کی ویب گاہ پر اپنے جذبات کا اظہار کرتے ہوئے کہا ہے کہ اس ناکامی کا دکھ انتہائی گہرا ہے اور اس صدمے سے باہر آنے میں وقت درکار ہوگا۔

اپنے پیغام میں میسی نے کہا کہ فائنل میں شکست کا زخم آسانی سے نہیں بھرے گا، تاہم اس ورلڈکپ نے انہیں اور ان کی ٹیم کو بے شمار ایسے یادگار لمحات دیے ہیں جو ہمیشہ ان کی یادوں کا حصہ رہیں گے۔

انہوں نے اپنی ٹیم کی کارکردگی پر فخر کا اظہار کرتے ہوئے کہا کہ مسلسل 2 ورلڈکپ فائنلز تک رسائی حاصل کرنا غیرمعمولی کامیابی ہے، جس پر پوری ٹیم کو فخر ہونا چاہیے۔

ارجنٹائن کے کپتان نے مشکل وقت میں اپنی ٹیم کا ساتھ دینے والے مداحوں کا خصوصی شکریہ ادا کرتے ہوئے کہا کہ ان کی مسلسل حوصلہ افزائی اور محبت ہمیشہ یاد رہے گی۔

لائنل میسی نے اپنے پیغام کے اختتام پر اسپین کو ورلڈکپ کا نیا چیمپئن بننے پر مبارکباد بھی پیش کی اور اس کی کامیابی کے لیے نیک تمناؤں کا اظہار کیا۔